Skeyti- og Pantiprotokollir fevna m.a. um keypssáttmálar, leysafæ, skeytir, servituttir, pantibrøv, skiftibrøv, festibrøv, arvaavkannan og leigu- og haldsáttmálar.

Ymisk heiti gjøgnum tíðina (umleið):

1. 1706-1858 - Panteprotokoller/Pante- og Skiøde Protokoller
2. 1858-1927 - Skøde- og Panteprotokoller/Skjøde- og Panteprotokoller
3. 1927-1940 - Skøde- og Pantebøger
4. 1938-1965 - Genpartspantebøger

1. Navnalistar eru aftast í protokollunum frá 1813 og fram til 1940, harumframt hevur protokollin frá 1794-1810 eisini navnalista aftast. 
2. Protokollirnar frá 1706 til 1793, 1808, 1811, 1811-1812 og frá 1940 til 1965 hava ikki navnalistar.

Protokollirnar frá 1706 og fram til síðst í 1800-talinum: her vóru øll pantibrøv, skiftibrøv, festibrøv, skeytir, keyps- og skuldarbrøv o.a. lisin upp á tingi og skrásett í protokollirnar. 

Protokollirnar frá uml. 1898 og fram til 1940 (Protokolnummar 31-64): fyri at finna ávísar tinglýsingar verður víst til tinglýsingardato, protokolnummar og síðutal umframt loypinummar. 

Til dømis: 20.05.1930 55/2 L.Nr 192. 20.05.1930 er tinglýsingardato, 55 vísir til protokolnummarið, 2 er síðutalið og L.Nr 192 er loypinummarið.  

Protokollirnar frá 1940 og fram til 1965: fyri at finna ávísar tinglýsingar er neyðugt at vita tinglýsingardato og loypinummar. 

Upplýsingar um tinglýsingardato, protokolnummar, síðutal og loypinummar fáast frá Tinglýsingini við at upplýsa matrikulnummar.

1. Ætlanin er at allar protokollirnar frá 1706 og fram til 1940 verða skannaðar og lagdar út á hesa síðu.
2. Protokollirnar frá 1940 og fram til 1965 verða fyribils ikki skannaðar, hesar kunnu síggjast á lesistovu okkara.