Fólkateljingar kunnu m.a. innihalda upplýsingar um bústað, navn, aldur, hjúnabandsstøðu, støðu í húsarhaldinum og trúartilknýti. Eisini er starvsheitið hjá húsbóndanum skrásett.

Fyrsta veruliga fólkateljingin í Føroyum var í 1801.

Onnur fólkateljingin var í 1834. Eftir hetta vórðu fólkateljingar gjørdar við 5-10 ára millumbili.

Í 1769 var eitt manntal, har bert húsfaðirin var nevndur við navni, og síðani hvussu nógv onnur fólk vóru knýtt at húsarhaldinum.